Return Home


[Cenel nEogain] 407. (Page 39, col. a) Eoghan mac Neill tra .x. mic lais amail as-bearor isin rann-sa: Deich maic Eogain uas cech cloinn Feib ro bennach MacAlprain Muireadhach, Ferghus co ngart Eochaidh, Feidlimidh, Corpmac Iollann, Dallan derbhaid raind Aenghus, Eichin, is Oilill. 408. Muiredhach m Eoghain cetus, .iiii. mic lais amial remhepartmar Ceithri mic la Muiredhach fri hEarc ba saer soen Feradach is Tigernach, Muircertach is Moen. Et as ar an Muiredhach sin tuc an file an teistemuin-si a ufaul a athar: Eogan mac Neill aird mor monaidh Muiredhach fa muir ar cruas meraidh co brath buan a ngleoghal aithech (col. b) cach co hEogan uais. Et amail as-rubradh indso do bhas Eogain feisin: Do-rochair Eogan mac Neill oide deoraidh maith a mhain do-roighne mor cuisgli cruaidh ge beith a n-uaigh a nUsce cain. .i. do cumaidh Conaill gulban at-bail. 409. Muircertach mac Erca cedri Erend do clandaib Eoghain et tuc .xx. cath ac cosnam Erend et romarb coicedaig Erend ocus tuc Temair alle. A catha sunn .i. cath sleibe Cua for Muimnechu; cath Ocha for Ailill molt, du ar tuit; cath Grainne for Findchad ri ua Ceinsealaigh; cath cell Osna for Eithne uathaig, ingen Crimhthainn mic Edna ceinnsealaigh, et for Aengus mac Nad fraich for right Mumhan; cath Inne moire for Laibhnib .i. for maccaib nDunlaing; cath Telcha, cath Mucnuma, cath tuama Dreagain for Connachtoibh; cath Seghsa a ndorchair Duach tengumha, ri Connacht; (col. c), cath maighe hAilbe; cath a n-iat Aigne; cath Aithe; cath Almaine; cath cinn Eich; cath Ailbe; cath Denna droma breg for Ardghal mac Conaill cremhtainn, du nar tuit Ardghal, ri Mide et Breg; cath atha Side for Laighnibh, ann tuc side an teistemuin-si fair: Ni ro ghab cloidem na scieth na arm gaiscid do chum cliach loech mar mac Erca ca thig nir tend a thaeb a lluirig. Ceand faeladh dixit in eodem loco: Fillis an ri mac Erca alleith ua Neill Siecht fuil ferna in cech nith brogais cricha cein Fo secht benis nai cairpe Et budh cian bus cumain do-berat gialla .h. Neill la gialla muighe Muman. 410. .ii. mac Muircertaig mic Erca .i. Fergus (a quo cland Ferghusa), et Domnall, da righ Erenn; et ceitri bliedna .xx. do i righe nErenn, ocus a bas (col. d) a telchuma fina a mullach Cleitigh os Boind, amail as-bert an file: Muircertach ba calma cet re .iiii. mbliadan .xx. i Cleitech caid a diol de ro baid fion, ro loiscc teine. 411. Domnall occus Fergus, tra, as iad tuc cath Sliccigh for Eogan mbel mac nDuach, for ri Connacht, ut dixit poeta: Ar-ficch Sliccech i muir Muaidh fodba fer la feoil bertait ilach dar eba la cend Eoghain beoil. 412. It iat indso a catha (.i. da mac Muircertaig) .i. cath cuile Conaire a Cera i nddorchair Oilill inbanda mac Eogain et Aedh fortamail a brathair; cath cuile Dreimne for Diarmait mac Fergusa cerrbeoil; cath Mona doire lothair dia ro-cersat seacht right Cruithneach um Aedh mbreac; cath Gabra life for Laighnibh. Ecc at-bathatar et tri bliadna doib i righi nErenn amhail as-bert Giolla modhuda i ndEre Ogh. (Page 40) Bliedain da bliadain atclos do deg Domhnall is dForgus marbha righ tire ca toigh da mac Mine Muircertaigh. 413. Na tri mic ele Muircertaigh .i. Baedan, et Neilline (a quo cinel Neilline), et Sgannal. 414. .U. mic Baedain .i. Fergus, Forannan (o tait .h. Forannain), Oilill athair Cind faeladh, Maol uma an righfheindid, et Colman rime ri Erenn; roimhe side ro mhebaid cath Slemna for Conall mbreagh. 415. Tri mic Domhnaill .i. Eocho, Colga, Aedh uairidhnach. 416. Eocho mac Domnaill, ri Erenn, .uii. mic leis .i. Ceallach (o ttait tellach Conaincc), Cellachan, Mochadan, Foghartach (o ta muinter Reochan), Banban, Oilill (a quo muinter Echada). Mac uero do Domhnall, Dailin (a quo fir Droma lighen). 417. Aedh uairidhnach, ri Erren, da mac lais .i. Daire, et Mael fithrigh (a quo siol Maile fithrigh). 418. Mael fithrigh uero da mac lais .i. Mael duin, ocus Mael tuile amail as-bert: Da mac Aeda uairidhnaigh Mael fithrigh, Daire dedach Da mac Maile fithrigh Maol duin, Mael tuili tredach. 419. Mael duinn, aonmhac aige .i. Fergal, ri Erenn; as e tuc cath Sleibhe fuaid a ndorchair Tnuthghal .h. Loinccsicch, ri ua Meith, et Curi mac Aedha mic Tnuthghail, cath for Conalll ngrant .h. Cernaigh du n-ar thuit, cath Findabrach for Laighnibh in-ar tuit Aedh mac Ceallaigh cualann, cath Rois for Connachtaibh dia torcair ann Donnchad. 420. Tri mic eile ag Mail duin .i. Tigernach (a quo .h. Tigernaigh), Flann (a quo .h. Uidir ocus .h. Ceallaigh), et Murchad. 421. Murchad, uero, tri mic lais .i. Ruaidri, et Muiredach (o tiat .h. Flaitbertaigh), Earolbh (a quo .h. Eroilbh). 422. Ruaidri dano aonmac leis Mail ciarain, dierua Domnall (a quo .h. Domnallain). 423. Bernan (a quo .h. Birn). Bern, tri mic lais .i. Ainbheith (a quo muinter Ainfeith), Cern guthmar (a quo teallach Cirn .i. .h. Fergail), Donnagan (o tait teallach nDonnagain). 424. Cath (.i. cath Almuine, 718) eter Fergal mac Maile duinn tMurchad mac Brain, ri Laigen, co ndorchair ri Erenn ann .i. Fergal, et Forbusach ri cenel mBoghaine, ocus Conall mend ri Cenel Cairpre, et Fergal mac Eachach lemna ri Tamnaighi, et Eccnech mac Colgan ri na n Oirter, et Anmcadh mac Oirc ri Guill et Irghuill, et secht mili do leit Cuinn umpa et ruc secht ngialla. 425. Niall frosach mac Ferghail imorro; i nd-aimsir Fergaile feisin ro feradh na frossu .i. fraiss melu for Othain mbicc, ocus frois airgit for Othain moir, et frois ola a Laighnibh. As uadha ainmnigter Niall frosach, ar as a n-oidche geine Neill ro ferait, amail as-bert an fili: Tri frosa aird Uillinne ar gradh De do nimh frois airgit, frois turinde ocus frois de mil. Mac Ferghail ba feramail. aitesach a ainm a fuair o Dia oilemain Niall frosach dia ghairm. Ced ngiall as cech aoncoicced ro toibhghedh Niall ni ba crodha cen cairiuccud a ttabairt fo tri. Tri frosa. Niall, uero, .ui. bliadna do i ricchi Erenn, ocus ni fuair cath co bfuair bas oilithri i ndhI coluimcilli, amail as-bert an file: Niall frosach mac finn Fergail .ui. bliadna can baeithernail at-bat cen locht ar li de ar tocht d'I dia oilithre. 426. Aodh allan mac oile d'Ferghal, et Conchobar cona dib macaibh .x., et Colco (dia ta clann Colccan). RIasan Aedh sin ro muigsit ceithri catha .x. acc cosnamh Erenn .i. cath Oscair, du a ndorchair Flann goan mac Congail; cath muighe h-Ithe, du i ndorchair Conaing mac Congail; cath for Oirgialla .i. cath Cairn, du in (Page 41) ro thuit Congus; cath insi Aine for sluagha Alban, du i ndorchairset tri cet curadh; cath Focharta (.730.), for Ulta, du i ndorchair Aedh roin et Conchadh; et cath Uchbadh for Laighnibh, duin ro thuit Aedh mac Colgan, ri Laighen, ocus Bran mac Murchada; cath Fraecmhuighe; cath Atha medoin; cath ARdcarna for Connachtaibh; cath Claidighe for Domnall; cath Droma righ for cloinn Colmain, dar tuitsiot tri mic Domnaill .i. Diermait, Finnachta, ocus Follumain. 427. Coicc mic Neill frosaigh mic Fergaile .i. Aedh oirdnighe, Colman (dia ta clann Colmain a feraibh Li), et Ferchair (dia ta clann Ferchair), ocus Cuana (dia ta muinter Duin bo), et Muircertach (dia ta clann Muircertaigh locha h-enaigh), amhail as-rubrad indso: Coicc mic ag Niall frosach ran Aed oiirdnide ocus Colman Ferchair is Cuana na creach Ocus Muirchertach meirgeach. 428. Oedh oirdnide mac Neill frosaigh, ri Erenn; sluaigedh la h-Aedh n-oirdnighe co Mide co ro roinn Midhe eiter da mac Donnchada .i. Conchobar et Oilill, et innarbad Laigen leis fa dho ind aenmhi, et Cinaeth mac Duineachaid, senoir Laigen, do marbhadh lais. Sluaiged ele leis docum Laigen, do-rat gialla o Fhinnachta mac Ceallaig ri Laigen. Sluaiged la h-Aedh oirdnighe co dun Cuair co ro roinn Laigin eter an da Muiredhach .i. Muiredhach mac Ruarach et Muiredhach ach mac Brain. Indredh Uladh la h-Aedh n-oirdnide ar sarughadh sgrine Patraicc; as na aimsir tainic an cele De don fhairrge andes cosaib tirmu, ocus do-berta sduagh scriobhtha do nim dho tresa ndenad proicept do Goidelaibh, ocus do-berta suas doridisi an tan taircced an proicept ocus do teighedh an cele cech laoi forsan bfairrge ba des; as na aimsir do-righned fuil dona bairgennaib .i. do siledh fuil daibh occa tesccad. Sluaigedh la h-Aed n-oirdnide for cenel Conaill dia ndorchair Raghallach mac Flaithiusa; indredh Laigen lais .i. crich Cualann co Glenn da lacha, et as fris as-rubrad oidhche a geine: Aed ro h-oirdned o Dia dhil a comarbus Neill frosaigh Aedh mar aingel is a clann nir genair occlach badh ferr. Bas Aedha a cath Da ferta a Conaillibh smail as-bert Gilla moduda: Aedh oirdnide don freimh raith .u. bliadna .xx. firmhaith frith fath a lechta re a luadh ag Ath da ferta fhionnfhuar. 429. Coicc mic Aedha oirdnide .i. Niall caille, ri Erenn, et Mael duin (dia ta sil Maile duin for ibh Eachach), et Fogartach (dia ta Cionaeth mac Mail odra a Finnine), et Blatmac (o tait muinter Duibenaigh), et Mael callann (dian ferann dun Droighin i nd-inis Eogain): Niall caille, Mael duin, Diarmait Cionaeth, Fogartach fialbocc is Mael callann co ngail de .ui. maic Aedha oirdnide. 430. Niall caille dano, mac uasal Aedha, et a comarba iartain. Ro mebaidset .uii. cata roime ac cosnamh Erenn .i. cath Doire calgaigh for Gallu; cath muighe h-Ithe for Gallu; cat Leithe an Caim ar Ulltu ocus ar na Colla, du in ro tuit Cumusccach et Ceallach. Sluaiged la Niall, co Laignib co tuc righe do Bran mac Faelain. Indradh Mide la Niall cetna co ro loisc co tech Mael conoig. Righdal mor lais i cluain Conaire. (Page 42) Tomaidm eidir Feidlimid mac Crimtaind, ri Caisil, et Niall caille, ri Erenn. Orgain fer Ceall ocus Delbna ethra la Niall cetna. Bathad Neill a Calainn unde Niall caille dicitur: Borb a tallann isin tir olc a dil a Callainn cruaidh tainic barainn isin tsleibh do marbad Nell raduinn ruaidh. 431. Ui. mic Neill caille .i. Aedh finnliath ri Erenn, Duibindrechtach (a ta clann DUibindrechtaigh), et Aenghus (o tat clann Aenghusa), Baedan, Muircertach (o ta clann Muircertaigh .i. Eogan mac Muiredaigh o ta clann Conghalaigh .h. Ualgartaigh), et Braenan (o ta clann Braenain muighe h-ithe), amail as-bert: Se mic ag Niall caille cain Aedh finnliat, Aenghus arnaidh Muircertach, Duibindrecht deach Baedan, Braenan, Flaithbertach. 432. Aedh finnliath, ri Erind, ro srain .u. catha ac cosnamh Erenn: cath glinne Aithle for Galla, cath locha Feabhail for Danura, cath Cerbo for Conulla ocus for Ultu du in ro thuit Ainfeith mac Aedha ri Conailli, cath cille .h. nDaigri du in ro tuit Flann mac Conaill et Diermait, cath Gulban for Connachtaib du in ro tuit Mael cluiche. Sloiged leis cor aircc Midhe, Lorcan mac Cathail, ri Mide, do dalladh leis. Cath glinne Aithle do srainedh leis for Conchobar mac Taidg, ri Connacht, et for ibh Neill nbreg et Laigne occus Galla cor marbadh Flann mac Conaincc, ri Breg, et Liermait mac Etirsceoil, ri locha Gabar, et Goill imda do marbad ann im Charlus mac Amlaim, et FAchtna mac Maile duin, righdamhna ind Fochla, do mharbad a frithguin an chatha. Indredh Laigen la h-Aedh co Gobran. 433. Bas Aedha findleith inDruin inesccloinn i crich Conaille ar mbeith .ui.x. bliadan i rige Erenn, amail as-rubradh: Oedh findliath feindid Oiligh a .ui.x. ria a dian-oidid bas righ na rodhuan gan roinn i ndruim adhfuar Finnasglaing. 434. Da mac ac Aedh finnliath .i. Niall glundub, et Domnall ri Oiligh. 435. Niall glundub ri Erenn. Sluaiged lais co leirtionol fer nErenn ime co Gallaib locha da caech cor marbadh ann Goill et Gaidhil um righ cairrcce Brachaighe et im taisech .. Cernaigh .i. Mael finnen mac Donnagain. Niall glundub co forgla fer nErenn et co bferaib Bregh et Midhe do dul isin Mumain cor madbad ann Donnagan mac Flannagain ri Teftha. Naill do mharbad a ccath atha Cliath et Conchobar o Mailechlainn, ridghamhna Erenn, et Aedh mac Eochagain, ri Uladh, et Mael mithigh mac Flannagain, ri Breg, et Mael craipe mac Duib sinaig, ri Oirghiall, et Mael craibhe mac Doilighein, ri Tortan, et Ceallach mac Foghartaigh, ri Deiscceirt Breg, et ERemhon mac Cinneitigh, ri cenel Maine, et moran do maithib Erennn ar aen riu. Niall glludubh mar derbhaim duibh. ocus Domhnall ri Oiligh da mac Aedha findleith fel mic Neill caille co caemhneimh. 436. Se mic Domhnaill mic Aeda finnleith .i. Ferghal, ri Oiligh, et kDonnchad (o ta Dubghall mac Donnchada), et Flann (o ta Niall mac Mail tsechloinn), et Flaitbertach (o ta Murchad o Flaitbertaigh), Mael mithig, et Conchobar (dia rabatar mic Concobair). 437. La Ferghal ro mhuigh cath Uata du ro thuit Mael garbh mac Gairbheith. Cath Bairne for Gallaibh du in ro tuit Affer mac Roailt. 438. Tri mic Neill glunduibh (Page 43) .i. Muircertach mer, Conaing, et Mail cierain, amail as-beror: Tri mac ag Niall glundub glan airdri Eirenn gan eimghedh Muircertach, Conaing cen cradh et Mael ciaran comhlan. 439. Ceithre mic Muirchertaigh mic Nell glunduibh .i. Domnall, ri Erenn, et Flaithbertach, ri Oiligh, Murchad, ocus Flann; conid doibh as-rubrad: Ceithri mic Muircertaigh mir mic Nell glunduib an ghaisccid Domhnall, ri Erenn co rath, Flaithbertach, Flann, is Murchad. Ria Murchad, imorro, ro muigh cath Cruachan du ro tuitset mic Aeda. Cath Formaile for Conall et for Galloibh dia ro tuit Mael Isa et aroile naisli arcenu. Ceithri mic ag Domnall des mac Muircertaig na moirles da Aedh is Muircertach mer is Muiredhach na mergedh. 440. Muircertach na cochall croicenn mac Neill glundiubh do dol i nd-insib Alban co ttuc orccain daibh. An Muircertach cedna do mharbad Neill mic Fergaile righdhamna Oiligh. Sluaigedh leis i nnOsraigibh cor mhill an crich uile. Sluaiged ele leis co dail Riada co tuc gialla naithibh. Sluaighedh oile lasin Muircertach ccedna. Do-roighnedh, Imorro, toichestal .h. Nell an tuaiscirt lais co mbatar i nd-oenbhaile. Do-righnedh ieromh celcc lesim forru .i. cech fer ar uair do garim dia shaiccidh et brotchu isind dara h-ursainn don pupall et fer co ngae lethan isind ursaind araill. No glomad an brotchu asind ursainn et no-ghonadh an fer don ga caidhlithe isind ursainn ele. Madh dia mbidhcadh ass an fer roimhe sin ni ueredh-som isin sluaiccedh e. Muna sceinded, imorro, no-togtha for leit e. Ni frith tra annsin na ro gab oaman ocus imeccla frisin dedha sin acht .x.x. et ro thimcill-simh Ereind an coimhlion sin et do-rat i ngialla cen cath cen cathrai. 441. Luidh co h-Ultaibh cetus et ro fan tri h-oidhche occo et detat a rri i ngiellnas leis .i. Loingsech. Luidh as-sidhe co h-Ath cliath co tucc cana ona Gallaibh et co tuc Sitriucc, ri Gall, i ngiallnas lais. Luidh co Laigniu et do-ucc Lorcan, ri Laigen. Luidh a-sidhe co firu Muman co tuc Cellachan, ri Caisil, i ngiallnas leis. Luidh ieromh co Connachtai ocus tuc Concobar mac Taidhg, ri Connacht, leis et luidh co h-Ailech. Batar cenel n-Eoghain oca radh ui Neill an deiscirt d'ionnsoiccid. Donnchad mac Floinn ba ri Temrach an tan sin. Nato, ar Muircertach, ni dlegom e acht da dheoin ar as coimmeitt ar n-eineclanni ar as coimmeitt e eineclann righ Erenn cip e h-inadh asa mbia et eneclann righ Temrach cen cop ri Erenn e; fo uith on ar as i ardport oireachais Erenn i conidh si onoir do-beror dia righ manap leis Eriu coimheneclann do fri righ Erenn, ar as cumma gabur as cech coiccedh a ricche-si et uaithi acht righe cech coigidh, conidh uime as coimheneclann do righ Erenn a ri et ane ni iarrand an tan bis hEriu occu acht eineclann righ Erenn bheus. Berthur an gell-si, ar Murchertach, co Temraig do Donnchad. Tuctha iersin an gell atauid do Dhonnchadh conidh e robadh ri ERenn ieromh. Do-rat ieromh Cobmacan eicces ro bui sorsin turus sin snaithe coimgniu foran scel et ro chan an airchetalsa: (Page 44), The poem beginning "A Mhuirchertaigh mic Neill nair," published with translation and notes by O'Donovan in Irish Archaeological Society Tracts relating to Ireland, volume I. (1841). begins on this page and ends at the bottom of page 46 with the colophon, "Corpmacan ecces mac maoil brighde an t-aird-fhile, fer cumtha Neill blunduibh do-righniu an aircetal-sin. Aeis Crist an tan at-bath, 946." 442. (Page 47) Domnall .i. ri Erenn m Muircertaigh na ccochall ccroicenn do dul murcoblach co Dabhall tar sliabh Fuait co loch n-Annian. Sluaiged ele la Domhnall .h. Neill co Laignibh cor airg o Berbha soir co fairrcce co tuc boroimhe mor lais co tard forbais for Ath cliath co cenn da mis. Domnall mac Muircertaigh do techt aris a Midhe cor loit eiter cealla et daine. As leis at-rochair Giolla comhghaill o Canannan, ri ceneil Conaill. Domhnall feisin do ecc i n-Ard mhacha. 443. Muircertach mac Domnaill .h. Neill et Congalach mac Domhnaill mic Congalaigh, da rigdamna Erenn, do mharbad la h-Amhlaibh mac Sitriga. Aedh mac Domhnaill mic Muircertaigh na ccochall ccroicenn, as e tuc cath Craibe tulcha a ndorchair Eocho mac Ardgail, ri Oiligh, et Cu duiligh a mac. 444. Flaithbertach an trosdain mac Muircertaigh mic Domnaill mic Muircertaigh na cocall ccroicenn m Neill glunduib: sluaigedh lais co h-Ultu co ttuc eitire uaidib cor marb Cu ulad, ri leithe Cathail. Sluaiged ele la Flaithbertach .h. Neill co cenel Eoghain et co n-Airghiallaibh co h-aird Uladh co ruc broid diibh et cor aircc in Aird. Sluagh ele la Flaithbertach .h. Neill co tuc gialla Goidhel o Gallaibh. Sluaiged ele leis a Mide co tuc gialla uaidibh et co ndeachaid i n-inis Mochta gur aircc i. Flaitbertach do dol co Roim a cind a .xxx. bliadan. Inis Eogain d'argain do Fhlaithbertach o Neill ier ttecht o Roimh oir gur bo croda a chogad. Nir treig a lorg Romha .i. a trostan condih uaithi ro h-ainmniged-somh et fuair bas creidmi iarum. 445. Oedh atlaman mac Flaithbertaigh an trostain, ri Oiligh, tesda nn-aois foiruti iar bpennait a mi-ghnim. 446. Ceithre mic Domnaill mic Muircertaigh na cocall ccroicenn .i. da Aedh et Muircertach et Muiredach. Cth Craibe tulchu la h-Aedh, amail remerbartmar, du a torchiar Eocho mac Ardgail et Cu duiligh a mhac, et Gairbeit, et Dubtuinne, Domnall, ocus Donnchadh et aroile daghdhaine arcena. 447. Muiredhach mac Domhnaill mic Muircertaigh na cocall ccroicenn, mac do, Lochlainn ri Oiligh. Aenmac ag Lochlainn .i. Ardghar; as e tuc tri catha for Gaidela ag cosnamh Erenn .i. cath tragha h-Eothuile for Connachtaibh, cath muighi Lena for Midechaib (dia ndorcair Domnall, ri Mide), cath Cuirre cuilinn for clainn Conaill. 448. Mac don Ardghar sin mac Lochloinn, Dhomhnall, ri Erenn. As e tuc .ui. catha for Ghaidela ac cosnam na h-Erenn: cath muighe Lena, cath Crainn crithidh for feraibh Luircc, cath mhuighe h-Adhar, cath for Ghalolaibh DUiblinne, cath cinn Coradh for Mhuimhnechaibh, cath for Ultaib (a ndorchair Donn sleibhe). 449. Ceithri mic Domhnaill mic Ardghair mic Lochlainn mic Muiredhaigh mic Domhnaill mic Muircertaigh na cocall ccroicenn .i. Muircertach, et Magnus, Niall, et Conchobar. Ria Conchobar ro muigh cath Corra cluana for Ultaib dia ndorchair mile (Page 48) cona tuilled isin cath isin. Ria Magnus, uero, diamba ri Oirghiall, ro muig cath atha Fir diadh for ibh Briuin du in ro tuitset ile. 450. Mac do Niall, Muircertach, ri Eirenn. As e tuc cath Aird .h. letha die ndorchair sochaide; cath maighe Lena for Connachta die ndorchair sochaide im Tadhg mac Domhnaill; cath ata na Caisberna for Ruaidri .h. Conchobair et for Tigernan .h. Ruairc, ri Breifne, du in ro tnit da mile dib. 451. Aed allan mac Fergail mic Maile duin, da mac lais .i. Catal (a wuo .h. Cathail); Maol duin .ii. mac lais .i. Tigernach (a quo .h. Tighernaigh), Murchad (a quo ui Cellaig et .h. Uidir). 452. Murchad, tri mic lais .i. Ruaidri, et Muiredhach (a quo .h. Flaitbertaigh), Erolb (a quo muinter Eruilb). 453. Ruaidri, cano, da mac lais .i. Mael ciarain (dieruo .h. Domnaill o fuilit .h. Domnallain) et Birn (a quo muinter Birn). 454. Birn, uero, tri mic lais .i. Ainbheith (a quo teallach n-Ainfeith), Cirn guthmar (a quo tellach Cirn .i. .h. Ferghail), Donnagan (a quo teallach nDonnagain). 455. It iat insnsin creabha coibhnesa, catha, et coingleaca, ocus coimlenga cloindi Muirethaigh mic Eogain mic Neill co Muircertach mac Domhnaill, conidh dona rioghaib sin cenel Eogain mic Nell as-bert Flann mainestrech an nath-so: Ceidri ro ghab Eirind uill do shiol Eogain a h-Eachdruim an nathair tuilcepach toir Muircertach mac Muireadhaigh. Domhnall ina dhiaidh ni doim Fergus i ndeadhaig kDomnaill Baedan iar bFerghus na bfal ocus Eochaidh iar mBaedan. Colman iar n-Eochaidh na n-agh Aodh uairidhnach iar cColman Suibne iar n-Aedh dedla de ocus Fergal iar Suibhne. Aedh allan d'aithle Ferghail as e ro ghab for Themraigh Niall frosach ier n-Aedh na ngiall Aedh oirdnide ier ndeighNiall. Niall caille ier n-Aedh alle Aedh finnliath iar Niall caille Niall blundub ier n-Aedh bfinn fial ocus Domhnall ier ndeighNiall. It iad so sloinnem do neach flaithe Erenn a h-Oileach .ii. fer decc is certrar cain robadh cletcur co ccedaibh. Oided Muircertaigh na modh guin is badad is losccad ecc at-batator abhus a mic Domnall is Ferghus. Baedan mac Muircertaigh mhoill et Eocho mac Domhnoill at-rochradar a Temhraigh la Cronan mac Tighernaigh. (Page 49) At-rochair Colman rimhe La Locan diolmain dibhe ecc at-bath na toigh trelmach mo chara Aedh uairidhnach. Suibne mac Fiachna fauir goil ro marb Conghal mac Scannail at-bath Ferghal flaith Doire a ccath adbal Almhoine. Marbthur Aedh allan na bfledh a ccath mall mhuighe Seiredh marb Niall frosach na fleidhe for lar h-I iar n-oilithre. Fuair a oided a sliab Fuaid Aed oirdnide nar an-shuairc robadh bainne co ceill caim badad Neill caille i Callainn. Ag druimh Innasglaing na n-ech do tuit Aedh finnliath fichtech a ccath Atha cliath na ccludh at-rochair Niall glan glundubh. At-bath Domhnall .h. nair Neill for lar ard Macha maighreidh ba ferr inas ag Boinn bi an bas do-choidh an ceidri. Cedri. 456. (col. a) Genelach .H. Neill Toirrdhelbach luinech m Neill conallaigh m Airt oicc m Cuind m Enri m eogain m Neill oicc m Neill moir m Aedha m Domhnaill m Briain catha duinn m Neill ruaidh m Aeda (.i. an macam toinlesg) (col. b) m Muircertaigh muighe lugaidh m Taidhg glinne m Conchobair na fiodhbaide m Flaithbertaigh locha h-adair m Domhnaill (.i. an t-oghdamh) m Aedha athlamhain m Flaithbertaigh an trostain m Muircertaigh mhidhigh m Domhnaill arda macha m Muircertaigh na ccocal ccroicenn m Neill glunduibh m Aedha finnleith m Nell caille m Aedha oirdnide m Neill frosaigh m Ferghail m Maile duin (col. c) m Maile fithrigh m Aedha uairidhnigh m Domhnaill ilcealccaigh m Muircertaigh m Muiredaigh m Eoghain m Neill naighiallaigh. 457. Aodh (.i. an t-iarla og) m Seaain (.i. iarla) m Oedha (.i. o Neill ocus iarla) m Fir dorcha (.i. an barun) m Cuind bacaigh (.i. o Neill ocus cediarla) m Cuind m Enri m Eogain m Neill oig. 458. (col. d) Conn bacach et Enri, da mac Neill m Airt oig m Toirrdelbaigh luinigh m Neill conallaigh. 459. Niall m Airt m Enri bailbh m Airt oicc m Cuinn mic Enri m Eogain. 460. (Page 50, col. a) Conn ruadh mac Airt oig m Cuinn mic Seaain m Cuind bacaigh m Cuind m Einri m Eogain m Neill oig. 461. Clann Toirrdelbaigh bresalaigh m Felim caoich m Cuinn bacaigh .i. Felim, Niall, Corbmac, Art og, Cond, Aedh, Emann, Toirrdelbach oc, Brian canand, Eber an locha. 462. Niall m Toirrdelbaigh m CUinn m Einri m Eogain m Neill oic. Muinter An Fheda 463. Toirrdelbach m Enri na ngartann m Felim ruaidh (col. b) m Airt m Aedha m Eogain m Nell oic. 464. Art oc m Aedha meirgigh m Nell m Cuinn m Airt m Eogain m Nell oicc. 465. Niell m Toirrdelbaigh m Cuinn m Enri m Eogain m Neill oic. 466. Brian et Enri, clann Aodha m Domhnaill m Seain na mallacht m Cuinn ruaidh m Felim m Domnaill claraigh m Eogain m Nell oicc. 467. (col. c) Brian m Firdorcha m Briain oicc m Briain moir m Eogain m Neill oicc. Genelach Clainne Aedha Buide .H. Nell 468. Conn m Neill m briain faghartaigh m Nell oicc m Nell moir m Cuind m AEdha buidhe m Briain ballaigh m Muirchertaigh cennfhoda m Enri m Briain m Aeda buide (o raiter clann Aeda buidi) m Domnaill oig m Aedha meth m Aedha (re n-abarthaoi an macamh toinlescc). 469. Conn m Neill oicc m Neill m Cuind m Aeda buidhe. 470. (col. d) Enri m Seaain m Briain m Felim bacaigh m Neill m Cuinn m Aeda buide. 471. Niall occ m Neill m Aedha m Felim bacaigh. 472. Niall m Aedha m Muircertaigh m Neill m Cuinn m Aeda buidhe. Muinter na Coille Ichtraige 473. Niall carrach m Felim m Eogain m Neill carraigh m Con uladh ballaigh m Briain ballaigh m Muircertaigh chennfhoda. 474. (Page 51, col. a) Domhnall m Eoghain m Domnaill m Aedha buide m Briain ballaigh. Muinter na Coille Ultaighe 475. Niall m Corbmaic m Neill m Briain m Neill gallda m Briain ballaigh. 476. Tuathal et Conn, clann Felim m Ebir m Cuinn m Eogain m Aedha buidhe m Briain ballaigh. 477. Tuathal m Ebir m Eogain m Tuathail (col. b) m Toirrdelbaigh gallda m Enri caoich m Briain ballaigh. Clann Domhnaill Duinn Na Banna 478. Seaan buide m Briain carraigh m Corbmaic m Seaain duibh m Domhnaill duinn m Briain m Aedha buide m Briain ballaigh. 479. Elim ruadh m Toirrdelbaigh m Enri oicc m Enri m jSeaain m Cuinn m Enri m Eogain m Neill oig. 480. Do sliocht Airt. Aedh, Seaan, Conn: tri mic Nell oicc m Aedha meirgigh m Neill m Cuinn m Airt m Eogain m Nell oig. 481. (col. c) Eoghan, ocus Felim dubh, da m Tuathail m Felim duibh m Neill m Cuinn m Airt m Eogain m Nell oig. 482. Emann og m Emainn m Felim dhuibh m Nell m Cuinn. 483. Tuathal ruadh, et Emann: clann Aedha m Seaain ruaidh m Airt m Emainn m Cuinn m Neill m Airt m Eoghain m Nell oig. 484. Art m Rudriaghe m Emainn m Cuinn m Neill m Airt m Eogain. 485. Fer dorcha, ocus Brian an roda, da mhac Cuinn buidhe mic Airt chaoich m Aodha caoich (col. d) m Neill mic Cuind m Airt m Eoghain m Neill oig. 486. Moirsheiser madc ag an Art mac Rudraighe adubhramar: brian og, Belim dubh, Toirrdelbach, Emann, Domhnall, Rudhraige, et Maoileachloinn. (Page 52) Genelach .H. Chathain 487. (col. a) Domnall ballach m Ruaidri m Maghnusa m Donnchada' an einigh m Seaain m Aibhne m Diarmada m Con mhuighe m Diarmada m Con muighe na nGall m Magnusa chatha duin m Ruaidri m Domhnaill m Eachmharcaigh m Raghnaill m Iomhair m Gilla Crist m Con cionaedh m Diermada m Cathusaigh m Cathain (a quo .h. Chathain) m Drugain m Concobhair m Fergail m Maile duin m Maile fithrigh m Aedha uaiiriodhnaigh m Domnaill ilcealccaigh m Muircertaigh m Muirethaigh m Eogain m Neill noigiallaigh. Donal ballagh was the son of Rory son of Manus son of Donogh an einigh (generous) son of John son of Aibhne son of Dermot son of Conmuighe son of Dermot son of Conmuighe na nGall son of Manus chatha duinn (Battle of Downpatrick - 1260) son of Rory son of Donal son of Eachmarcagh son of Ranall son of Iomhair (Iver) son of Giolla Christ son of Conchinnaed son of Dermot son of Casey son of Cahan (from whom the name) son of Drungan son of Conor son of Feargal son of Maeldoon son of Mailfithrigh son of Hugh Uairiodhnach son of Donall Ilcealgagh son of Muircheartagh son of Muireadaigh son of Owen son of Neill 'of the Nine Hostages.' 488. (col. b) Cu maighe m Risdeird m Domnaill m Seaain m Aibne m Diermada m Con mhuighe. Cumhaighe was the son of Richard son of Donal son of John son of Aibhne son of Dermot son of Conmuighe. 489. Maghnuss m Con mhuighe ballaigh m Rudraigi m Briain ruaidh m Ruaidhri m Maghnusa (lasa ndernadh an finnchaiscc) m Gofrada m Con muicche m Diarmada m Con muige na nGall m Magnusa catha duin. Manus was the son of Conmuighe ballagh son of Rory son of Brian roe son of Rory son of Manus son of Gofray son of Cuwey son of Dermot son of Cuwey na nGall son of Manus of the Battle of Downpatrick. 490. Seaan m Briain oig m Con muige m Ruaidhri m Seaain m Aibne. John was the son of Brian oge son of Cuwey son of Rory son of John son of Aibhne. 491. (col. c) Gofraid m Giolla padraicc m Semais m Giolla patraic m Concobair m Diarmada m Enri (o tat clann Enri) m Diarmada m Con muige na nGall m Magnusa catha duin. Goffray son of Giolla Patrick son of James son of Giolla Patrick son of Conor son of Dermot son of Henry (from whom are the Clann Henry) son of Dermot son of Cuwey na nGall (of the Foreigners) son of Manus of the Battle of Downpatrick. 492. Risderd m Rudhraighe m Briain m Cathaoir m Briain ruaidh m Ruaidhri m Maghnasa Iasa ndernadh an fhionnchaisg. Richard son of Rory son of Brian son of Cathaoir son of Brian roe son of Rory son of Manus.